O pasado 28 de setembro publicouse no DOG a convocatoria do programa Talento Sénior da Axencia Galega de Innovación, que ten por obxecto impulsar a atracción e o retorno de profesionais de alta cualificación con traxectorias consolidadas para que desenvolvan proxectos de investigación, desenvolvemento e innovación en empresas, organismos de investigación non universitarios e centros tecnolóxicos.
As entidades beneficiarias contarán cun incentivo de 64.000 euros por cada contrato indefinido ou de duración igual ou superior a tres anos e cunha retribución bruta anual de alomenos 40.000 euros. Para elo, a convocatoria está dotada cun orzamento ampliable de 960.000 euros, co que se prevé apoiar 15 contratos nesta edición, dos que nove están reservados a empresas e seis a organismos de investigación non universitarios e centros tecnolóxicos.
A convocatoria, en réxime de concorrencia competitiva, esixe a excelencia das propostas, e así, só se terán en conta aquelas que acaden unha puntuación mínima do 60% do total dos puntos establecidos no baremo. Entre outros criterios, valorarase o perfil da persoa a contratar, a súa experiencia e traxectoria internacional, así como a condición de retorno e atracción. Ademais, tamén se prestará especial relevancia á presentación dun plan de igualdade de xénero no equipo do proxecto e que a persoa contratada sexa muller, primando tamén as contratacións indefinidas. Ademais, o persoal poderá estar contratado pola entidade beneficiaria da axuda desde o pasado 1 de xaneiro.
O prazo de presentación de solicitudes estará aberto ata o vindeiro 29 de outubro e as bases completas están dispoñibles no seguinte enlace.
Se precisades máis información, podedes contactar con nós no correo electrónicocentros.gain@xunta.gal ou nos teléfonos de contacto: 981 95 7000 e 981 95 7012.
Axencia Galega de Innovación - GAIN
Secretaría da Área de Centros
Rúa de Airas Nunes, s/n - Edif. CNTG
15702 - Santiago de Compostela
Telf. 981 957000 Fax 981 957007
|