FEMAGA 2007

A Federación de Autónomos de Galicia, clausurou unha edición máis da súa tracidional Feira de Mostras dos Autónomos de Galicia, celebrada no Coliseo da Coruña do 10 ao 14 de Outubro de 2007.

Esta edición presentouse avalada polo éxito das súas edicións anteriores, tanto en asistencia en público - 40.000 visitantes- como na participación de expositores, preto a unha centena, que estiveron representados nas áreas de Seguros, Inmobiliarias, Subministracións e Servizos, Automoción, Alimentación, Hostalería, Decoración, entre outras.

A Feira, que foi inaugurada por Ana Rúa, Directora Xeral de Comercio e clausurada por Javier Losada, Alcalde do Concello da Coruña, contou coa visita de diferentes autoridades, como Henrique Tello, 1er Tenente de Alcalde do Concello da Coruña, Margarida Vázquez, Concelleira de Igualdade e Participación e Xoan Xoxé Martínez Cagigal, Concelleiro de Deportes. Tamén pasaron pola Feira José Antonio Quiroga y Piñeiro e Gonzalo Ortiz Amor, Presidente e Director Xeral, respectivamente da Cámara de Comercio da Coruña. Outros visitantes foron Manuel Pose Mesura, Subdelegado do Goberno na Coruña e Camilo Isaac Ocampo Gómez, Subdelegado do Goberno en Ourense. Ademáis estiveron os Concelleiros do Grupo Municipal do Partido Popular, Carlos Negreira, Esther González, Carmen Hervada, Isabel García e Antonio Erias, así como José Manuel Romay Beccaría, Ex Ministro e Ex Conselleiro de Sanidade.

Unha data a destacar dentro da Feira, foi o día 12 de outubro, xa que coincidiu coa entrada en vigor do Estatuto do Traballo Autónomo. Tanto a directiva de FEAGA como os representantes das formacións políticas locais, declararon estar moi satisfeitos pola aprobación desta nova Lei, que ampara a máis de 191.760 traballadores en toda Galicia.

Outro feito concluínte durante os discursos da Feira foi a aprobación da Lei que regula o paso dos traballadores do Réxime Agrario por conta propia ao Réxime Especial de Autónomos, a partir do 2 de xaneiro. Isto significará un incremento do número de autónomos en Galicia. (tendo en conta os datos publicados polo Ministerio de Traballo e Asuntos Sociais, en Galicia hai 47.896 traballadores no Réxime Especial Agrario por conta propia, polo que a partir de 2008 engadiranse ás listas de traballadores autónomos)

Entre os actos paralelos á Feira cabe destacar a celebración da Xornada Informativa para mulleres emprendedoras, impartida polos Técnicos de Emprego da Federación de Autónomos de Galicia.

Os directivos de FEAGA esperan celebrar a próxima Feira de Mostras dos Autónomos no novo recinto feiral da Coruña, Expo Coruña, o que permitiralle mellorar a feira cualitativa e cuantitativamente, ao pasar dunha superficie de 4.000 metros cadrados a 18.000. Isto ademais permitirá mellorar os deseños dos stands e organizar a feira en corredores sectoriais, así como organizar máis actividades paralelas.