Como ven sendo habitual esta edición de FEMAGA contou con áreas adicadas a alimentación, a automoción, os servizos e productos e a administración, ademais dun salón Internacional de turismo co que se pretendeu promocionar diferentes rexións tanto nacionais como Portuguesas. Sen esquecernos do paseo da Artesanía no que as asociacións de artesáns galegos, integradas na Federación de Autónomos de Galicia, puxeron a venda as suas creacións.
Unha das novidades desta edicición foi a celebración de diferentes salóns como o salón gastronómico que contou cunha representación de varios restaurantes galegos que ofreceron diversas degustacións dos seus productos e mostraron o público os seus servizos.
Outra das novidades desta edición foi celebración dun outlet de Nadal en colaboración coa Federación Provincial de Comercio da Coruña, onde un bo número de comercios da Coruña puxeron a venda productos e agasallos de cara o Nadal. Xunto co Outlet do moble, no que moitos comercios do sector expuxeron os seus stock a precios moi atractivos, levado a cabo en colaboración da Asociación provincial do Moble da Coruña.
A inauguración de FEMAGA correu a cargo do conselleiro de economía e industria don Javier Guerra Fernández, acompañado do presidente de FEAGA don Paulino Franco, do presidente de CAYPE, don Eliseo Calviño, Andrés Hermida Trastoy director xeral de promoción e emprego, Marta González Vázquez secretaria xeral de igualdade. O presidente da Fundación Luso-Galaica Antonio Reguera e o resto da directiva da Federación de comercio e o comité organizador de FEMAGA.
O mesmo tempo que se desenvolvía a feira leváronse a cabo diversas actividades de tipo lúdico destacando os concertos da Tuna de veteranos, os concertos do grupo Amizades, o concerto do grupo Bohemios e unha actuación de percusión latina que correu a cargo da escola de música Presto Vivace.
Un ano mais quíxose homenaxear a presenza de Portugal en FEMAGA para elo unha delegación da Cámara de Comercio e industria de Horta fixo unha demostración de arte floral con flores das Açores e posteriormente unha degustación de productos das Açores, para así dar a coñecer algúns dos productos mais representativos desta zona de Portugal.
Dentro da oferta cultural de FEMAGA hai que facer mención os seminarios levados a cabo, destacando a xornada sobre novas liñas de financiamento para os autónomos galegos: plans Re-solve e Re-brote, que contou coa participación do Instituto Galego de Promoción Económica (IGAPE) e algunhas das entidades financieiras colaboradoras co IGAPE
Tamén se celebrou unha xornada adicada a lei de prevención de riscos laborais , na que o director Provincial do Issga na Coruña, Ricardo Amor, nos puxo o corrente do marco de aplicación, tanto normativo como práctico, desta lei respecto dos autónomos.
Entre as visitas institucionais á feira, caben destacar a de Gonzalo Ortiz, Director Xeral da Cámara de Comercio de A Coruña; Guillerme Vázquez portavoz nacional do BNG; Ermitas Valencia, concelleira delegada de Xuventude e solidaridade e normalización lingüística do concello da Coruña; Ana Mª Díaz López, directora xeral de formación e colocación; Carlos Negreira, portavoz do PP no concello da Coruña; Pilar Farjas, Conselleira de Sanidade; Belén Do Campo, diputada do PP por a Coruña e José Manuel Romay Becaria.
Como actividades paralelas á feira celebráronse dúas galas, a Gala de Radio Turismo, onde se entregaron os premios Nacionais de Gastronomía, Pratos de Ouro de Radio Turismo a diversos restaurantes da comunidade autónoma, a realización desta gala foi posible gracias a participación de José Manuel Madrigal Tobías (Maito) Director de Radio Turismo, Antonio Reguera Repiso Presidente da Fundación Luso-Galaica, e Luis Fraga director de FEMAGA e que contou coa presenza de Carmen Pita Urgoiti, Xerente de Turgalicia; Pablo Villamar, Vicepresidente da Diputación da Coruña e Margarida Vázquez, concelleira delegada de igualdade e participación do concello da Coruña.
A outra Gala levada a cabo foi a Gala do Día das Asociación, coa que a Federación de Autónomos de Galicia e a Federación de Comercio de A Coruña pretenderon recoñer o labor que veñen levando a cabo as asociacións que forman parte de ambas Federacións, esta gala contou coa presenza da directora Xeral de Comercio Nava Castro e do Primeiro Tenente de alcalde do concello da Coruña, Henrique Tello Leon, que foi o encargado de clausurar a XVI Feira de Mostras de A Coruña FEMAGA 2009.
Usuario - - Acceso de Usuarios
