FERIA DE MUESTRAS DE OURENSE

Feira de mostras de Ourense

Do 14 ao 17 de Maio celebrouse a I edición da Feira de Mostras dos Autónomos de Ourense, no recinto feiral Expourense

Na súa primeira edición a Feira de Mostras dos autónomos de ourense contou case un centenar de postos nos que están representados máis de 1000 marcas comerciais nos que os visitantes puideron adquirir coñecer todo tipo de produtos para o fogar, téxtil, calzado, alimentación, electrodomésticos entre outros.

O encargado da inauguración oficial da Feira foi o Director Xeral de Promoción do Emprego, Andrés Hermida Trastoy acompañado de José Ángel Vázquez, Director Xeral de Promoción Económica del Concello de Ourense e de Anxo López Álvarez Jefe do centro do ISSGA en Ourense, un vez celebrado o acto oficial de inauguración visitaron os diferentes postos da feira acompañados da xunta directiva da Federación de Autónomos de Galicia, co seu presidente, Javier Pérez Bello, á cabeza.

O terceiro día da feira estivo dedicado ás xornadas técnicas, así a Técnica do IGAPE, Ruth Pereira, falou aos presentes sobre as liñas de financiamento do IGAPE para empresas e autónomos, achegando aos asistentes información de vital importancia para os emprendedores e os autónomos, que en momentos como os actuais ven no Instituto Galego de Promoción Económica a única saída para acceder ao financiamento que necesitan.

Esa mesma mañá tivo lugar a presentación do Estudo diagnóstico das Mulleres Autónomas Galegas elaborado pola Asociación de Mulleres Profesionais e Autónomas, AMPAGA en colaboración coa Federación de Autónomos de Galicia, no que se reflicte a situación actual das Autónomas Galegas, a presentación contou coa presenza da Presidenta de AMPAGA, Paloma Sobrino, que estivo acompañada pola Presidenta de AJE Galicia, Patricia García que é tamén membro da xunta directiva de Ampaga, e polo presidente de FEAGA, Javier Pérez Bello. Este estudo pretende facer unha radiografía da situación das Autónomas galegas no ano 2010 e primeiros meses do 2011.

O ultimo día da feira foi o dedicado á cultura, recordemos que este ultimo día de feira coincidiu co día dás letras galegas que este ano estivo dedicado a Lois Pereiro e por ese motivo se lle quixo facer unha homenaxe, para iso procedeuse á lectura da súa biografía.

Tamén foi o día elixido para presentar a Fundación Amigos da Barreira, presentación que correu a cargo do o seu director xerente, Rafael Vallés Urriza. Trátase da única centro en Galicia dedicado á conciliación da vida laboral, familiar e persoal.

Xa pola tarde a fundación amigos da Barreira organizaron un taller de Karaoke e un Espectáculo interactivo que fixo as delicias dos asistentes, non só nenos senón tamén maiores, xa que se trataba dunha actividade dirixida a un público de entre 0 e 99 anos de idade.