 FEAGA colaborou con AGESTIC (Asociación Galega de Empresas de Tecnoloxía da Información e Comunicación) nun proxecto enmarcado dentro do plan Avanza, para a difusión das novas tecnoloxías entre mulleres. Consistiu en catro seminarios sectoriais nos que se abordaron os problemas que aqueixan ao colectivo e ao sector no que fai á incorporación ás TICS, ao uso de Internet como ferramenta empresarial, á formación en novas tecnoloxías, ás ferramentas de xestión dixital para a mellora da competitividade, a eficacia e a igualdade. Durante estes seminarios, intercambiáronse experiencias concretas de implantación das TICS nas micropemes xestionadas por mulleres, comentaronse os proxectos elaborados por asociacións sectoriais, o seu desenvolvemento, os seus problemas e os resultados obtidos. Posteriormente, e dentro do mesmo proxecto, levouse a cabo en Santiago de Compostela un encontro de Mulleres Emprendedoras.
|
Usuario - - Acceso de Usuarios
