|
A federación de Autónomos de Galicia presentou, no pasado mes de marzo, un estudo diagnóstico da situación dos traballadores autónomos na comunidade autónoma de Galicia durante o ano 2010.
Neste estudo faise unha análise detallada da situación dos traballadores por conta allea nas catro provincias galegas.
A Coruña foi a primeira das cidades onde se presentou o estudo, nesta ocasión a Federación de Autónomos de Galicia contou coa presencia do concelleiro de promoción económica, emprego, consumo e turismo, Henrique Tello, quen non deixou de mostrar a súa sorpresa co feito de que os autónomos fan un uso moi baixo das novas tecnoloxías a hora de promocionar os seus negocios. Tamén estiveron presentes nesta presentación o presidente da federación provincial de comercio de A Coruña Miguel Agromayor, o presidente de CAYPE, Eliseo Calviño, a Presidenta de AMPAGA Paloma Sobrino.
Na provincia de Pontevedra a presentación correu a cargo do presidente de FEAGA, Francisco Javier Pérez e do presidente da Federación provincial da provincia de Pontevedra Antonio Reguera Repiso, que presentaron o estudo na cidades de Pontevedra e Vigo.
Dos datos do estudo desprendese que na provincia de Pontevedra o 28% dos autónomos adícanse o comercio polo miúdo, Antonio Reguera destacou o feito de que na cidade de Pontevedra o comercio tradicional modernizouse e gracias ós eventos postos en marcha están facendo que este resista mellor a crise. Fronte a esta situación na cidade de Vigo o comercio é un dos grandes prexudicados, vendo no ano 2010 como máis de 500 negocios tiveron que pechar, e as campañas de Nadal e as rebaixas non foron quen de por freo a esta situación. En total a provincia de Pontevedra perdeu no ano 2010 un total de 1.489 traballadores por conta propia.
A provincia de Ourense é a que ten un descenso menor no número de autónomos durante o ano 2010, con 733 afiliados menos. Esta é a provincia galega con menor número de traballadores autónomos, en decembro de 2010 eran 26.486 o que supón un 12,02% do total. O lugar elixido para presentar o estudio foi o salón de actos da Fundación Nova Caixa Galicia, na que estiveron presentes o vicepresidente da Federación Provincial de Comercio de Ourense, Cándido J. Espino González, a presidenta de AMPAGA, Paloma Sobrino entre outros.
A derradeira das cidades galegas onde foi presentado o estudo diagnóstico dos autónomos galegos foi Lugo, contando cá presenza de Lara Méndez López, Vicepresidenta Segunda da Deputación de Lugo; José Rábade Arias, Concelleiro de Protección da Comunidade, Réxime Interior e Transportes del Concello de Lugo e de. José Sánchez Bergantiños, Vicepresidente da Federación Galega de Comercio e Aurelio Cruz, presidente en funcións da Asociación de Autónomos de Ourense.
Lugo conta có 17,36% do total de autónomos de Galicia. En canto o reparto por sectores de actividade a maioría adícanse a agricultura, gandería e silvicultura e pesca, un 40,30% con 15.368 afiliados neste sector.
|
Usuario - - Acceso de usuarios
