|
O 17 de xullo celebrouse o quinto capítulo da confraría da orde da cigala de Marín, dentro da XVI edición da Festa da Cigala de Marín, organizada pola Asociación de comerciantes de Marín celebrada este ano na parroquia de Pardavila.
O obxectivo da festa da cigala é promover este crustáceo tan apreciado e representativo da gastronomía galega.
Por quinto ano a confraría da orde da cigala, presidida por Antonio Reguera Repiso e por Enrique Rodríguez Covelo, nomeou os novos confrades aos que se lle impuxo a capa da orde, entregóuselles a medalla así como o pergameo correspondente que os acredita como membros da orde, entre os que se encontraba o presidente da Federación de Autónomos de Galicia, Javier Pérez Bello.
Xunto co presidente de FEAGA tamén foron nomeados novos confrades Gumersindo Oliveira, empresario portugués; Cándido Teijeiro, presidente da Asociación de Comerciantes de Salvaterra; Florentino Varela, presidente da Asociación de Criadores do Galo de Curral; Salvador Santiago, director de La Ibense; María de los Ángeles Crestal, da Federación Provincial de Comercio; Ángeles Herrero, xefa do Servizo de Turismo da Delegación da Xunta en Pontevedra; Manuel Ogando, empresario marinense, e Carlos Epifanio, funcionario xubilado. Tamén foi designado cabaleiro da Orde o comandante-director da Escola Naval, Marcial Gamboa, aínda que este último non puido asistir.
Nesta ocasión a entronización de confrades tivo lugar no Liceo Casino e a lectura do pregón correu a cargo de Juan Manuel Madrigal, Maíto, presidente de Radio Turismo e director de Radio Libertad, quen non puido máis que resaltar as bondades da cigala, cuxo pregón reproducimos a continuación , agradecéndolle o seu apoio e cariño así coma a ledicia transmitida. |
Usuario - - Acceso de usuarios
