Cámara Oficial de Comercio, Industria e Navegación de Pontevedra
ANUNCIO de convocatoria de axudas a pemes de Galicia.
O Consello Superior de Cámaras de Comercio, Industria e Navegación de España, xunto coas cámaras de Comercio de Galicia poñen en marcha o Programa de accións complementarias de iniciación cofinanciado polo Fondo Europeo de Desenvolvemento Rexional (Feder) e polas cámaras de comercio; e xunto coas cámaras de Comercio de Galicia, o Icex e a Comunidade Autónoma de Galicia, o Programa de Iniciación á Exportación (PIPE), cofinanciado polo Fondo Europeo de Desenvolvemento Rexional (Feder), no marco do Programa operativo de Galicia no período 2007-2013.
Ambos os programas perseguen servir de apoio á internacionalización, axudar a mellorar a competitividade e o fortalecemento empresarial. O Programa PIPE persegue este obxectivo mediante un conxunto de apoios organizados en varias fases, así como un paquete de axudas e servizos, destinados a conseguir o obxectivo do aumento significativo da base exportadora a través da internacionalización das pemes españolas.
Dentro das accións complementarias inclúense aquelas accións consistentes en encontros de cooperación empresarial, proxectos especiais de interese para as pemes e foros de pemes potencialmente exportadoras e/ou exportadoras que se adecuen ao obxecto de contribuír á internacionalización das pemes españolas.
O prazo para a presentación de solicitudes ábrese ao día seguinte da publicación deste anuncio e quedará aberto durante todo o ano e ata que se incorpore o número máximo de empresas previsto para o exercicio nesta comunidade autónoma.
O texto completo desta convocatoria está á disposición das empresas na sede das secretarías técnicas das cámaras de Comercio da Coruña, Ferrol, Lugo, Ourense, Pontevedra, Santiago de Compostela, Tui, Vigo e Vilagarcía de Arousa. Ademais, pode consultarse a través das webs das cámaras nos seguintes enderezos:
www.camaracoruna.com
www.camaraferrol.org
www.camaralugo.com
www.camaraourense.com
www.camarapontevedra.com
www.camaracompostela.com
www.camaratui.com
www.camaravigo.com
www.camaravilagarcia.com
Pontevedra, 20 de xullo de 2011.
Charo Lorenzo Pontevedra
Secretaria xeral da Cámara Oficial de Comercio, Industria
e Navegación de Pontevedra
|