|
Municipal
As Pontes de García Rodríguez
Secretaría
Bases do IV Premio de engalanado de rúas no nadal 2011
RESOLUCIÓN DA ALCALDÍA
ANTECEDENTES DE FEITO
Este Nadal ponse en marcha, de novo, o premio de engalanado de rúas dirixido as entidades veciñais ou grupos de veciños de rúas, prazas e barrios. Co fin de divulgar entre os veciños este premio elabóranse unhas bases de participación xunto coa ficha de inscrición ao concurso.
O contido das bases da convocatoria do IV premio de engalanado de rúas das Pontes no Nadal 2011 é o seguinte:
BASES DO IV PREMIO DE ENGALANADO DE RÚAS NO NADAL 2011
Obxecto
O premio de engalanado de rúas, barrios e prazas xorde co fin de ambientar durante as datas de Nadal o noso Concello en colaboración cos veciños das Pontes.
Participantes
Poderán participar as asociacións veciñais e/ou grupos de veciños de rúas, barrios e prazas das Pontes co obxectivo principal de engalanar o seu entorno.
A decoración gardará relación coa festividade de Nadal e atenderá ao cumprimento da normativa, en especial, ao coidado sobre as actividades molestas, os ruídos etc.
Os concursantes deberán manter a decoración dende o día 22 de decembro ata o 7 de xaneiro; transcorridas estas datas faranse cargo da súa desmontaxe e da retirada dos residuos que xeren.
Inscrición
Para concursar os interesados deberán inscribirse no rexistro do concello antes das 14h do mércores 21 de decembro. Os concursantes terán que identificar o espazo engalanado e os datos da entidade e/ou grupo de veciños participantes (con polo menos 4 casas implicadas ). A participación neste concurso supón a aceptación das bases.
Xurado
O xurado estará formado por persoas afíns ás artes e á decoración. O concello estará representado polo concelleiro de Servizos Sociais e Atención Cidadá con voz pero sen voto.
O xurado visitará as zonas a partir do luns 26 de decembro ás 12.00h; valorarase a creatividade, o deseño e o traballo das presentacións.
Correspóndelle ao xurado a interpretación das bases; o seu fallo é inapelable; así mesmo, o xurado resérvase o dereito de declarar deserto algún dos premios.
PREMIOS
|
1º premio
|
1 placa conmemorativa e 300 €
|
|
2º premio
|
1 placa conmemorativa e 100 €
|
O fallo do xurado coñecerase o mércores 4 de xaneiro e publicarase nos medios locais e na páxina web do concello.
FUNDAMENTOS XURÍDICOS
Considerando as facultades conferidas pola lei 7/1985 de 2 de abril, reguladora das bases de réxime local; o R.D.L.781/86 de 18 de abril, polo que se aproba o texto refundido das disposicións legais vixentes en materia de réxime local; o R.D. 2568/86 do 28 de novembro, polo que se aproba o regulamento de organización, funcionamento e réxime xurídico das entidades locais e demais disposicións aplicables.
RESOLVO:
1 Aprobar as bases da convocatoria do IV premio de engalanado de rúas no Nadal 2011 co contido descrito anteriormente.
2 Publicar as citadas bases no Boletín Oficial da Provincia da Coruña, así como nos medios locais e na páxina web do concello das Pontes.
As Pontes de García Rodríguez, 2 de decembro de 2011
O alcalde O oficial maior
Valentín González Formoso Felipe Vázquez García
|
Usuario - - Acceso de usuarios
