TIPO DE APOIO Liña de compensación de xuros en réxime de concorrencia non competitiva. FINALIDADE / OBXECTIVO Tramitación dunha liña de compensación dos xuros asociados ao financiamento obtido polos autónomos e microempresas do sector do comercio polo miúdo, mediante a liña de circulante subsidiado e avalado para autónomos e microempresas (Plan Re-solve). BENEFICIARIOS Poderán acceder ás axudas as microempresas e autónomos beneficiarios do Plan Re-Solve que desenvolvan algunha das actividades recollidas nos seguintes epígrafes do CNAE 2009: 45 - Venda e reparación de vehículos de motor e moticicletas coa exclusión da actividade: 45.31.-Comercio por xunta de recambios e accesorios de vehículos de motor. 47 - Comercio polo miúdo, salvo de vehículos de motor e motocicletas. Os beneficiarios terán que estar ao día das súas obrigas coa Facenda Pública, coa Seguridade Social e coa Comunidade Autónoma de Galicia . Comercio polo miúdo. CONTÍA O Igape compensará o tipo de xuro das operacións acollidas ás presentes bases mediante unha axuda adicional do 2,5% do principal do préstamo ou crédito formalizado. PRAZO O prazo de presentación de solicitudes comezará o día seguinte ao da publicación desta resolución no Diario Oficial de Galicia; no caso de coincidir en sábado ou día inhábil en Santiago de Compostela, o prazo comezará o día hábil seguinte; e rematará o 30 de novembro de 2010 ou no intre do esgotamento do crédito orzamentario. Non obstante, para poder presentar a solicitude deberán ter sido notificados da concesión dos apoios establecidos nas bases reguladoras das liñas de circulante avalado para autónomos e microempresas (Plan Re-Solve). INCOMPATIBILIDADES As axudas financeiras que se concedan ao abeiro destas bases terán a consideración de axuda de minimis. As axudas de minimis totais que se concedan a unha mesma empresa non poderán superar 200.000 € durante calquera período de tres exercicios fiscais. Serán compatibles con calquera outras axudas públicas ou privadas pero en ningún caso, illadamente ou en concorrencia con outras, poderán superar os límites máximos de intensidade de axuda establecidos pola Unión Europea.
|