O pasado 28 de Febreiro publicouse no DOGA a Resolución do 8 de febreiro de 2011 pola que se convocan para o exercicio 2011, en réxime de concorrencia non competitiva, as axudas do Instituto Galego de Promoción Económica ao amparo das bases reguladoras das axudas do Instituto Galego de Promoción Económica para o apoio financeiro aos sectores da hostalaría, comercio, turismo e servizos das comarcas de Ferrol, Eume e Ortegal.
Mediante Resolución do 22 de xullo de 2010 publicouse o acordo do Consello de Dirección do Instituto Galego de Promoción Económica que aprobou as bases reguladoras das axudas do Instituto Galego de Promoción Económica (Igape) para o apoio financeiro aos sectores da hostalaría, comercio, turismo e servizos das comarcas de Ferrol, Eume e Ortegal (Re-invirte Ferrol) (DOG nº 142, do 27 de xullo), facultando o director xeral a súa convocatoria, aprobación dos créditos e publicación no Diario Oficial de Galicia.
Na súa virtude, e de conformidade coas facultades que teño conferidas,
RESOLVO:
Primeiro.-Convocar para o ano 2011, en réxime de concorrencia non competitiva, as axudas ao amparo das bases reguladoras do Igape para o programa de apoio financeiro aos sectores da hostalaría, comercio, turismo e servizos das comarcas de Ferrol, Eume e Ortegal (Re-invirte Ferrol, instrumentadas mediante convenio de colaboración entre o Igape, as sociedades de garantía recíproca e as entidades financeiras adheridas (Re-invirte Ferrol) (DOG nº 142, do 27 de xullo de 2010).
Para os efectos da nova convocatoria, substitúense o anexo II, formulario de presentación da solicitude, e o anexo VI, relación de entidades financeiras e sociedades de garantía recíproca adheridas, segundo os modelos anexos.
Segundo.-O prazo de presentación de solicitudes comezará o día seguinte ao da publicación desta resolución no Diario Oficial de Galicia (no caso de coincidir en sábado ou día inhábil en Santiago de Compostela, o prazo comezará o día hábil seguinte), e rematará o 15 de setembro de 2011 para as solicitudes na entidade financeira por parte do solicitante e o 14 de outubro de 2011 para a presentación das entidades financeiras no Igape.
No caso de esgotamento do crédito, en cumprimento do disposto no artigo 32º do Regulamento da Lei de subvencións de Galicia (Decreto 11/2009, do 8 de xaneiro), o Igape publicará a dita circunstancia no Diario Oficial de Galicia e na súa páxina web, co fin de pechar anticipadamente o prazo de presentación de solicitudes.
Terceiro.-Os créditos dispoñibles para concesións nesta convocatoria aboaranse con cargo ás seguintes aplicacións orzamentarias e polos seguintes importes:
Partida orzamentaria 2011 2012
02.01-E5/10/01-656700 57.000 € 43.000 €
O director xeral do Igape poderá ampliar os créditos e modificar as partidas orzamentarias, previa declaración de dispoñibilidade dos créditos nos termos referidos no artigo 30º.2 do Decreto 11/2009, mediante resolución publicada para o efecto.
Así mesmo, non se poderán outorgar subvencións por contía superior á que se determine nesta convocatoria, salvo que se realice unha nova convocatoria, ou se produza un incremento de créditos derivados dunha xeración, ampliación ou incorporación de crédito; ou da existencia de remanentes doutras convocatorias financiadas con cargo ao mesmo crédito ou a créditos incluídos no mesmo programa ou en programas do mesmo servizo, ao abeiro do disposto no artigo 31º.2 da Lei 9/2007, de subvencións de Galicia, do cal se dará a correspondente publicidade no Diario Oficial de Galicia.
Cuarto.-Os requisitos das letras c), e), f), h), i), j), k), l), m) e n) do artigo 20º.2 da Lei 9/2007, do 13 de xuño, de subvencións de Galicia indícanse nas bases reguladoras destas axudas aprobadas polo Consello de Dirección do Igape o 20 de abril de 2010 e publicadas no Diario Oficial de Galicia nº 142, do 27 de xullo.
|