Administración Local
Municipal
Mazaricos
Bases reguladoras da convocatoria para a concesión de subvencións para o transporte escolar durante o curso 2011-2012
BASES REGULADORAS DA CONVOCATORIA PARA A CONCESIÓN DE SUBVENCIÓNS PARA TRANSPORTE ESCOLAR DURANTE O CURSO 2011-2012
1.- FINALIDADES E OBXETO
O Concello de Mazaricos, ten a intención de apoiar aos estudantes que, residindo no Concello, cursen estudos de bacharelato ou formación profesional, fóra dos límites do Concello, durante o curso 2011-12, co fin de facilitarlles o transporte ou desprazamento. Exclúense os estudos superiores (universitarios, doutorados,...)
É obxecto das presentes Bases regular a concesión, en réxime de concorrencia competitiva, de axudas para transporte escolar para o curso académico 2011-2012.
O orzamento máximo para as devanditas axudas é de 8.000 euros retido na partida 320.480.
2.- BENEFICIARIOS.
2.1.- Teñen a condición de beneficiarios os estudantes que cumpran os seguintes requisitos:
a) Que o estudante esté empadroado no Concello de Mazaricos durante a totalidade do curso lectivo.
b) Que o estudante curse estudos de bacharelato e formación profesional, para os que fora necesario desprazarse fóra do Concello durante a totalidade do curso lectivo
c) Que o beneficiario non perciba axudas para o mesmo fin.
d) Que o beneficiario non teña axudas ou subvencións pendentes de xustificar ante o Concello de Mazaricos.
Nos supostos dos estudantes que, cumprindo os anteriores requisitos, sexan menores de idade, terá a condición de beneficiario o pai, nai ou titor do mesmo.
2.2.- Os beneficiarios terán as seguintes obrigas ante o Concello de Mazaricos:
- Cumprir a actividade obxecto da subvención
- Someterse ás actividades de control realizadas por parte do Concello para comprobar a veracidade dos actos consignados na documentación presentada, así como o cumprimento dos requisitos para a percepción da axuda e colaborar co Concello en ditas actuacións.
- Estar ao corrente no cumprimento das súas obrigas tributarias e ca Seguridade Social.
-Comunicar ante o Concello calquera modificación nas circunstancias esixidas para a concesión da axuda.
3.- SOLICITUDES.
3.1.- As solicitudes para a concesión da presente axuda formalizaranse no modelo de solicitude establecido a tal fin e presentarse no rexistro xeral do Concello e deberán acompañarase da seguinte documentación:
- Fotocopia compulsada do DNI do solicitante e do estudante. Fotocopia compulsada do libro de familia, no caso de que os nenos/as aínda non teñan DNI.
- Certificado de empadroamento no Concello de Mazaricos do estudante.
- Fotocopia compulsada da matrícula oficial de estudos ou certificado expedido polo centro, acreditativo de que o solicitante cursa estudos no mesmo.
- Declaración do solicitante de non percibir axuda algunha para a mesma finalidade.
- Declaración responsable do solicitante de estar ao corrente nas súas obrigas tributarias e ca Seguridade Social .
- Datos bancarios do beneficiario para recibir a subvención.
3.2.- O prazo de presentación de solicitudes será de vinte días naturais, contando dende o día seguinte da publicación da presente convocatoria no Boletín Oficial da Provincia, publicación que irá acompañada de bandos no termo municipal para unha mellor difusión e publicidade da mesma.
4.- PROCEDEMENTO
4.1.- A instrución do procedemento corresponderalle a un traballador do Departamento de Servizos Sociais, que deberá avaliar as solicitudes presentadas e requirir as subsanacións que procedan para que as mesmas cumpran os requisitos esixidos nas presentes bases. O prazo de subsanación será de dez días improrrogables; no suposto de que os defectos se consideren non subsanables, o órgano instrutor proporá a inadmisión.
4.2.- Avaliadas as solicitudes polo órgano instrutor, emitirase proposta de resolución por parte da Concellería correspondente.
4.3.- O importe da subvención para cada un dos solicitantes admitidos será de 200 euros. En caso de que a suma de tódolos importes supere o crédito reservado para tal fin, efectuarase un prorrateo entre tódalas solicitudes, de tal maneira que o importe de tódalas axudas sexa igual.
4.4.- En calquera caso, as axudas presentarán como límite máximo o custe dos gastos de transporte en que teña que incorrer o beneficiario.
5.- RESOLUCIÓN.
5.1.- A Xunta de Goberno Local, en base á proposta da Concellería correspondente, e previo o informe da Intervención Municipal, resolverá sobre a concesión ou denegación das axudas. A resolución conterá a relación dos beneficiarios e os importes das axudas, así como as solicitudes desestimadas coa motivación que proceda.
5.2.- A notificación da resolución definitiva realizarase antes do 31 de decembro do 2011. Esta resolución notificarase ós beneficiarios, de acordo co artigo 59 da Lei 30/1992, de 26 de novembro, de Réxime Xurídico das Administracións Públicas e Procedemento Administrativo Común. A falta de notificación no prazo establecido lexitima aos interesados para entender desestimada por silencio administrativo a solicitude de concesión da subvención.
Asemade, a resolución de concesión publicarase no Taboleiro de Anuncios do Concello.
5.3.- Contra a resolución, que pon fin a vía administrativa, poderase interpoñer, de conformidade co preceptuado no artigo 116 da Lei 30/1992, del 26 de novembro, de Réxime Xurídico das Administracións Públicas e do Procedemento Administrativo Común, potestativamente recurso de reposición ante a Xunta de Goberno Local, no prazo dun mes contado a partir do seguinte ao da notificación da presente resolución, ou directamente recurso contencioso administrativo ante ao Xulgado do Contencioso-administrativo, no prazo de dous meses contados dende o seguinte ao da notificación do acordo.
Todo iso, sen prexuízo de que poida interpoñer calquera outro que estime conveniente en defensa dos seus intereses.
6.- XUSTIFICACIÓN E PAGAMENTO
6.1.- A xustificación das presentes axudas entenderase realizada ca presentación ao Concello do certificado do centro educativo de que está matriculado nun centro fora do Concello de Mazaricos.
A falta de xustificación ou xustificación insuficiente dará lugar á perda do dereito da subvención por parte do beneficiario, polo que procederá a tramitación do reintegro da axuda por parte do órgano concedente e previo o informe da Intervención Municipal.
6.2.- O aboamento da subvención realizarase mediante ingreso por transferencia bancaria na conta sinalada polo beneficiario.
7.- REINTEGRO
7.1.- Procederá o reintegro da axuda nos seguintes supostos:
- Falta de xustificación ou xustificación insuficiente
- Variación nas circunstancias que motivaron a concesión da axuda
- Demáis supostos previstos no artigo 37 da Lei Xeral de Subvencións
7.2.- O reintegro estará suxeito ás disposicións previstas ao respecto nos artigos 36 e seguintes da Lei Xeral de Subvencións.
8.- COMPATIBILIDADE DA SUBVENCIÓN
A concesión destas axudas será compatible con calquera outro tipo de becas ou subvencións, agás as que se entreguen coa mesma finalidade.
Mazaricos, 14 de novembro de 2011
O ALCALDE.-
ASDO. JOSE MANUEL SANTOS MANEIRO
2011/15017