Plan Removete Galicia

o Instituto Galego de Promoción Económica ( IGAPE) ven de publicar no DOGA  unha subvención a fondo perdido para a adquisición de vehículos co obxetivo de Incentivar a modernización de vehículos nas pemes e autónomos e aos particulares.

BENEFICIARIOS
Poderán ser beneficiarios das axudas:

a) Persoas físicas con residencia en Galicia á data de adquisición do vehículo obxecto das axudas.

b) Autónomos e pemes que cumpran os requisitos de pequena e mediana empresa según Regulamento 800/2008 domiciliadas ou con algún centro de actividade en Galicia á data de adquisición do vehículo obxecto das axudas.

 REQUISITOS PRINCIPAIS DO PROXECTO
Serán subvencionables as operacións de compravenda de vehículos nunha entidade colaboradora formalizadas desde o día 1 de agosto de 2010 ata o 15 de decembro de 2010 ou, en todo caso, ata o esgotamento do orzamento asignado, nas que os compradores cumpran as seguintes condicións:

• Para pemes e autónomos:

a) Adquirir un vehículo novo ou matriculado orixinalmente en Galicia con menos de dous anos de antigüidade, categoría M1 (emisións de CO2 non superiores a 149gr/Km) e cun  custo non superior a 30.000 €.

b) Ou ben un vehículo comercial lixeiro novo ou matriculado en Galicia con menos de dous anos de antigüidade, categoría N1, con Masa Máxima Autorizada non superior a 3.5 Tm. e pouco contaminante (emisión non superior a 160 g/km de CO2) e cun custo non superior a 30.000 €. O vehículo adquirido deberá matricularse en Galicia.

c) Entregar para achatarramento un vehículo antigo, con antigüidade superior a 10 anos ou máis de 250.000 kms, propiedade da empresa ou autónomo

d) Achegar para adquisición do vehículo unha contribución financeira exenta de calquera tipo de apoio público de polo menos un 25% do seu importe, sexa mediante recursos propios ou mediante financiamento externo.

• Para persoas físicas:

a) Adquirir un turismo novo ou matriculado orixinalmente en Galicia con menos de dous anos de antigüidade, categoría M1 pouco contaminante (emisión non superior a 149 g/km de CO2) e cun custo non superior a 30.000 €.

b) Ou ben un vehículo comercial lixeiro novo ou matriculado en Galicia con menos de dous anos de antigüidade, categoría N1, con Masa Máxima Autorizada non superior a 3.5 Tm. e pouco contaminante (emisión non superior a 160 g/km de CO2) e cun custo non superior a 30.000 €. O vehículo adquirido deberá matricularse en Galicia.

c) Entregar para achatarramento un vehículo antigo, con antigüidade superior a 10 anos ou máis de 250.000 kms., propiedade da persoa que realiza a compravenda.

Non serán subvencionables as operacións de substitución de vehículos que puideran levar a cabo os propios establecementos de venda de vehículos, para automatriculación ou con calquera outro fin.

CONTÍA DAS AXUDAS
A contía das axudas non excederá do 20% dos custos subvencionables para o caso de pequenas empresas e do 10% para o caso de medianas empresas, sen que en ningún caso superen:

a) 500 € na adquisición dun turismo M1 cuxo custo non alcance os 10.000€, IVE engadido
b) 700 € cando o turismo M1 a adquirir teña un custo entre 10.000 e 30.000€, IVE engadido
c) 1.000 € na adquisición dun vehículo categoría N1, salvo no caso indicado no epígrafe seguinte.
d) 1.500 € cando o vehículo a adquirir sexa un vehículo categoría N1, e sexa adquirido por unha PEME ou autónomo cuxa actividade principal se desenvolva nos sectores da pesca, agroindustrial, téxtil - confección, naval e industria auxiliar, transformación da madeira, rochas ornamentais, audiovisual ou turismo. (Os epígrafes correspondentes son os listados no anexo IV, as empresas que acrediten mediante alta no IAE algunha destas actividades, deberán ter sido dadas de alta na mesma con anterioridade ao 1 de agosto de 2010).

Para o cómputo do custo do automóbil incluirase a base impoñible e o IVE, pero non a axuda do Igape nin outras axudas de organismos ou institucións públicas ou privadas establecidas no Real Decreto 898/2009 do 22 de maio.

PRAZO DE PRESENTACIÓN DE SOLICITUDES
O prazo para a presentación de solicitudes comezará aos sete días naturais desde a publicación desta resolución no Diario Oficial de Galicia (data de publicación: 3-agosto-2010 ) e rematará o 15 de decembro de 2010.

PLAN REMOVETE 2010

CORRECCIÓN ERROS PLAN REMOVETE 2010