Nova liña de financiamento subsidiado e avalado para autónomos, microempresas e empresas. Con tres liñas diferenciadas: Este programa substitúe e mellora sensiblemente ao re-Solve ao cubrir operacións de ata 300.000 euros, fronte ao límite anterior de 40.000 euros. A nova liña supón un avance decisivo nos compromisos asumidos a través do Plan re-Forza 2010 do Igape para facer fronte ás restricións de crédito. O obxectivo é que o tecido empresarial poida acceder ao crédito que precisa para o seu financiamento operativo e para mellorar os seus niveis de competitividade. Ten como obxectivo fundamental mobilizar 200 millóns de euros para financiar operacións de circulante, de refinanciamento de pasivos ou de ampliacións de capital destinadas a fortalecer a estrutura financeira das pemes galegas. Este novo programa amplía ao 100% a cobertura das garantías achegadas polas SGR, sempre contando cun reaval do Igape polo 25% do risco asumido por estas entidades colaboradoras. Incrementrandse as contías máximas das operacións apoiadas polo plan re-Solve+, que poden ir de 3.000 ata 300.000 €. Outra das melloras incorporadas é a referida aos destinatarios; os beneficiarios agora poden ser os autónomos pero tamén as pemes en xeral. Ao amparo deste novo programa habilitado mediante o convenio asinado coas entidades financeiras e as SGR, a liña de apoio a operacións de circulante permitirá mobilizar préstamos comprendidos entre 3.000 e 150.000 euros, con prazo de amortización de tres anos. A liña para refinanciamento de pasivos acollerá operacións comprendidas entre os 6.000 e os 300.000 euros, con prazo de vixencia de 5 anos; neste caso, a cobertura do aval da SGR será do 50% e contará co reaval do Igape polo 25% do risco. Polo que se refire á liña para ampliacións de capital, estará destinada a apoiar operacións de financiamento comprendidas entre 3.000 e 250.000 euros por socio (e 500.000€ por empresa) que amplía capital, e cun prazo mínimo de amortización de 7 anos. Ademais de achegar garantías mediante os reavais en garantía do 25% do risco asumido polas SGR, na liña de circulante o Igape subvencionará as comisións dos avais formalizados para que non repercutan sobre os beneficiarios das operacións. No programa para apoiar ampliacións de capital, o Igape tamén subvencionará as comisións do aval e, ademais, achegará unha subsidiación de xuro de, aproximadamente, 1,5 puntos porcentuais. Ademais das sociedades de garantía recíproca Afigal e Sogarpo, as entidades financeiras adheridas polo de agora ao convenio para activar o re-Solve+ son Caixa Galicia, Caixanova, Banco Pastor, BBVA, Banco de Santander, Banco Gallego, Banesto, Bancaja, Caixa Rural Galega, Caja España, La Caixa, Banco Espíritu Santo, Banco Popular, Bakinter, Banco Caixa Geral e Banco Etcheverría. o prazo de prestación das solicitudes nas tres liñas remata o 30 de decembro de 2010 Para ver o texto completo da resolución de 21 de setembo de 2010. Corrección de erros ( D.O.G. 01/10/2010)
|