RESOLVE + 2011

Resolución do 8 de febreiro de 2011 pola que se convocan para o exercicio 2011, en réxime de concorrencia non competitiva, as axudas para o programa de apoio ao acceso ao financiamento para circulante, refinanciamento de pasivos e ampliación de capital das pequenas e medianas empresas, instrumentadas mediante convenio de colaboración entre o Instituto Galego de Promoción Económica, as sociedades de garantía recíproca e as entidades financeiras adheridas (Re-Solve +), conforme as bases reguladoras aprobadas polo Consello de Dirección do Instituto Galego de Promoción Económica o 29 de xuño de 2010 e modificadas polo dito Consello de Dirección o 30 de decembro de 2010, publicadas nos diarios oficiais de Galicia número 182, do 21 de setembro de 2010 e número 23, do 3 de febreiro de 2011.

Mediante Resolución do 21 de setembro de 2010 publicouse o acordo do Consello de Dirección do Instituto Galego de Promoción Económica do 29 de xuño de 2010 que aprobou as bases reguladoras das axudas do Instituto Galego de Promoción Económica (Igape) para o programa de apoio ao acceso ao financiamento para circulante, refinanciamento de pasivos e ampliación de capital das pequenas e medianas empresas (Re-Solve +) (DOG número 182, do 21 de setembro de 2010), facultando ao director xeral a súa convocatoria, aprobación dos créditos e publicación no Diario Oficial de Galicia. As ditas bases foron modificadas mediante acordo do Consello de Dirección do Igape o 30 de decembro de 2010 e publicada a súa modificación no Diario Oficial de Galicia número 23, do 3 de febreiro de 2011.

Prazo de presentación de solicitudes.

O prazo de presentación de solicitudes comezará o día seguinte ao da publicación desta resolución no Diario Oficial de Galicia (no caso de coincidir en sábado ou día inhábil en Santiago de Compostela, o prazo comezará o día hábil seguinte), e rematará o 15 de setembro de 2011 para as solicitudes na entidade financeira por parte do solicitante e o 14 de outubro de 2011 para a presentación das entidades financeiras no Igape.


No caso de esgotamento do crédito, en cumprimento do disposto no artigo 32º do regulamento da Lei de subvencións de Galicia (Decreto 11/2009, do 8 de xaneiro), o Igape publicará a dita circunstancia no Diario Oficial de Galicia e na súa páxina web, co fin de pechar anticipadamente o prazo de presentación de solicitudes.

DOGA DO 16 DE FEBREIRO DE 2011

LIÑAS:

APOIO AO CIRCULANTE

REFINANCIAMENTO DE PASIVOS

AMPLIACIÓN DE CAPITAL SOCIAL