RODEIRO:Bases subvencións para actividades culturais e deportivas. Ano 2.012

 BOPDEPO Núm. 243 - Mércores, 19 de Decembro de 2.012

A Xunta de Goberno Local deste Concello, na sesión celebrada o día 14 de novembro de 2012, acordou a aprobación da convocatoria e bases específicas para a concesión de subvencións para actividades culturais e deportivas desenvolvidas no ano 2012, co contido que se sinala nos anexos I e II. De conformidade co previsto na Leí 9/2007, do 13 de xuño, de subvencións de Galicia, dase publicidade ás mesmas.

ANEXO I

BASES ESPECÍFICAS DE SUBVENCIÓNS PARA ACTIVIDADES CULTURAIS ANO 2012

O Concello de Rodeiro aproba as bases específicas reguladoras de concesión de axudas e subvencións destinadas a promover e fomentar actividades culturais, segundo os principios de obxectividade, concorrencia, publicidade e transparencia

1.—Obxecto: O Concello de Rodeiro concederá axudas económicas para promover, difundir e realizar actividades culturais durante o ano 2012, que se financiarán con cargo a partida orzamentaria 330/480, co límite de 11.000,00 €. Entenderase como actividade cultural aos efectos das presentes bases as dirixidas á ensinanza musical, á promoción da cultura, á xuventude, á muller, á preservación das tradicións ou calquera outra que redunde en beneficio dos vecinos asociados, sempre que formen parte dos fins da asociación.

2.—Beneficiarios: Poderán solicitar estas axudas as persoas físicas ou xurídicas sen ánimo de lucro e con domicilio en Rodeiro que desenvolverán as actividades obxecto da subvención entre os días 1 de xaneiro ao 31 de decembro de 2012.

3.—Solicitude e documentación: As solicitudes presentaranse no rexistro xeral do concello no prazo de corenta días contados dende o día seguinte ao da súa publicación no Boletín Oficial da Provincia, achegando a documentación que se sinala la ordenanza xeral de subvencións do concello.

4.—Valoración das solicitudes: Para a adxudicación das axudas teranse en conta os seguintescriterios:

— Programación estable ao longo do ano.

— Difusión da actividade.

— Número de persoas que participan e se benefician da actividade.

— Orzamento total da actividade.

— Incidencia sobre a promoción dos valores culturáis, artísticos, tradicionais, gastronómicos, etc.do concello.

Transcorridos tres meses dende o remate do prazo de presentación de solicitudes sen que osinteresados obteñan resposta expresa a súa solicitude, entenderase desestimada a petición.

5.—Disposición adicional: No non previsto nas presentes bases estarase ao disposto na ordenanza xeral reguladora da concesión de subvencións municipais a asociacións e entidades se ánimo de lucro que desenvolvan accións no Concello de Rodeiro, publicada no BOP núm. 155, correspondente ao día 12 de agosto de 2005 e, de xeito supletorio, na Lei 9/2007, do 13 de xuño, de subvencións de Galicia.

ANEXO II

BASES ESPECÍFICAS DE SUBVENCIÓNS PARA ACTIVIDADES DEPORTIVAS ANO 2012

O Concello de Rodeiro aproba as bases específicas reguladoras de concesión de axudas e subvencións destinadas a promover e fomentar actividades deportivas, segundo os principios de obxectividade, concorrencia, publicidade e transparencia

1.—Obxecto: O Concello de Rodeiro concederá axudas económicas para promover, difundir e realizar actividades deportivas durante o ano 2012, que se financiarán con cargo a partida orzamentaria 340/480, co límite de 6.000,00 €. Entenderase como actividade deportiva as realizadas ou promovidas por agrupacións, asociacións ou clubs de carácter deportivo, legalmente constituidos.

2.—Beneficiarios: Poderán solicitar estas axudas as persoas físicas ou xurídicas sen ánimo de lucro que desenvolverán as actividades obxecto da subvención no Concello de Rodeiro entre os días 1 de xaneiro ao 31 de decembro de 2012.

3.—Solicitude e documentación: As solicitudes presentaranse no rexistro xeral do concello no prazo de corenta días contados dende o día seguinte ao da súa publicación no Boletín Oficial da Provincia, achegando a documentación que se sinala la ordenanza xeral de subvencións do concello.

4.—Valoración das solicitudes: Para a adxudicación das axudas teranse en conta os seguintes criterios:

Categoría da asociación ou club. Número de licencias federativas. Número de equipos en categorías. Orzamento anual do club. Disposición de adestrador federado. Orzamento total das actividades.

Transcorridos tres meses dende o remate do prazo de presentación de solicitudes sen que os interesados obteñan resposta expresa a súa solicitude, entenderase desestimada a petición.

5.—Disposición adicional: No non previsto nas presentes bases estarase ao disposto na ordenanza xeral reguladora da concesión de subvencións municipais a asociacións e entidades se ánimo de lucro que desenvolvan accións no Concello de Rodeiro, publicada no BOP núm. 155, correspondente ao día 12 de agosto de 2005 e, de xeito supletorio, na Lei 9/2007, do 13 de xuño, de subvencións de Galicia.

Rodeiro, 4 de decembro de 2012.—O Alcalde, Luis López Diéguez.

www.bop.depo.es/bop.PONTEVEDRA/2012/bop.PONTEVEDRA.20121219.243.pdf