Anuncio de convocatoria para a concesión, de subvencións, en réxime de concorrencia competitiva, para a promoción dos autónomos a través da realización de obras de interese xeral no medio rural, para o ano 2011 do instituto lucense de desenvolvemento económico e social –INLUDES- ( BOLETÍN OFICIAL DA PROVINCIA DE LUGO DE 21 DE FEBREIRO DE 2010) pax. 28 e seguintes.
Entidade adxudicadora.
a). Organismo: Instituto Lucense de Desenvolvemento económico e Social. Comisión Executiva
b).Departamento que tramita o expediente: Área de Promoción Económica e Emprego. Servizo Xeral de Xestión. Sección Proxectos e Programas.
Obxecto e finalidade.
As presentes bases teñen como fin articular as axudas dirixidas a agrupacións de gandeiros, agrupacións de cidadáns ou asociacións sen ánimo de lucro para a realización de obras que teñan como finalidade última conseguir melloras no medio rural, lugar onde se desenvolve a maior parte dos sectores agrícola e gandeiro base da economía da provincia de Lugo, co fin último de mellorar a calidade de vida e traballo das persoas que viven nestas zonas, evitando así a despoboación das zonas rurais.
Para tales efectos as axudas irán dirixidas á realización de pequenas obras de interese xeral para levar a cabo a creación, equipación, e/ou acondicionamento de infraestruturas nas zonas rurais da provincia de Lugo, que conleven unha mellora, que fomente a economía da zona obxectivo co fin último de fixar poboación nestes territorios.
Non terán cabida, e polo tanto, non se poderán solicitar axudas para a adquisición de bens inmobles.
Peticionarios.
Poderán ser perceptores das subvencións, os colectivos de cidadáns que o soliciten sempre que reúnan os seguintes requisitos:
1º.Ser asociacións, agrupacións de gandeiros ou agrupacións de cidadáns sen ánimo de lucro (todas elas cun mínimo de 3 participantes no caso de non estar constituído con personalidade xurídica) que aínda carecendo de personalidade xurídica poidan levar a cabo os proxectos, actividades ou se encontren na situación que motiva a concesión da subvención.
2º.Desenvolver a súa actividade e solicitar a subvención para a execución das obras en calquera zona rural da provincia de Lugo.
Non poderán obter a condición de beneficiarios das subvencións reguladas nas presentes bases as agrupacións de gandeiros, agrupacións de cidadáns ou asociacións que concorran nas circunstancias sinaladas no punto 2º e 3º do artigo 13 da Lei 38/2003 Xeral de Subvencións.
PLAZO DE PRESENTACIÓN: ATA O 10 DE MARZO.
|