FEAGA firmou un convenio de colaboración coa Asociación de Familias y Mujeres del Medio Rural de Galicia, mediante o cal, ambas institucións se comprometen a promover o desenvolvemento rural a través da formación profesional dos traballadores e traballadoras do campo.
Este convenio, cuxa firma foi suscrita por Paulino Franco, Presidente de FEAGA e Pilar Iglesias Osorio, Presidenta de AFAMMER, compromete tamén a estas entidades a traballar pola adaptación ás novas exixencias de cualificacións profesionais do sector e a facilitar a súa incorporación ás actuais directrices do mercado.
AFAMMER GALICIA é unha ONG con presencia ao largo da xeografía nacional, e está basada nunha estructura descentralizada por Comunidades Autónomas e cunha Dirección Nacional ubicada en Ciudad Real. Esta organización traballa cun especial interese por poñer en marcha iniciativas que posibiliten o desenvolvemento económico, social e cultural do medio rural, aproveitando as súas potencialidades e os recursos de cada zona.
|