O emprego autónomo é unha das saídas laborais coas que contan as persoas con diversidade funcional e, en xeral, todas aquelas persoas en risco de exclusión social. Sen embargo, as taxas de emprego por conta propia en tales colectivos continúan sendo moi baixas pese á posta en marcha de numerosas políticas que tratan de favorecer a integración destas persoas na vida laboral e económica en xeral.
Dos 2 millóns de persoas con diversidade funcional que existen en España o 7,5% son analfabetas, o 51,2% teñen estudos primarios, o 22,1% estudos secundarios e tan só o 19,2% han completado estudos secundarios ou superiores.
No caso das persoas en risco de exclusión social as cifras de autoemprego son superiores pero aínda demasiado baixas respecto á media doutros países do noso contorno.
Por todo iso, a Fundación Fortes e a Federación de Autónomos de Galicia consideran moi necesario reforzar estas políticas activas de fomento do emprego autónomo entre estes colectivos mediante un servizo que unha a facilidade no deseño, planificación e xestión deste tipo de proxectos de autoemprego coa experiencia no coñecemento e trato na resolución dos problemas que estes colectivos adoitan afrontar.
Mediante a sinatura deste convenio ambas entidades se comprometen a aunar esforzos traballando conxuntamente en accións socioeconómicas e laborais baseadas no desenvolvemento de encontros empresariais, seminarios, xornadas técnicas, accións formativas e calquera outra colaboración ou actividade que mellore a competitividade e o desenvolvemento do colectivo de discapacitados e persoas en risco de exclusión social de Galicia.
Todos estes esforzos serán canalizados principalmente a través da Unidade de Apoio ao Emprendedor. É este un servizo de información e orientación que a Fundación Fortes puxo en marcha coa finalidade de fomentar o autoemprego entre os colectivos en risco de exclusión social.
Descárguese o PDF do Convenio
|