|
O obxectivo da lei é establecer un marco xurídico para o desenvolvemento da actividade comercial en Galicia coa finalidade de fomentar, ordenar administrativamente, racionalizar e mellorar a actividade do sector.
Prevese a creación dun Rexistro Galego de Comercio para efectos estatísticos e a regulación do Observatorio de Comercio como órgano consultivo, asesor, de participación, de estudo e formación en materia de comercio, adscrito a este crearase o Consello Galego de Comercio órgano colexiado de participación, asesoramento e colaboración coa administración na ordenación da actividade comercial, así como a mesa local de comercio órgano colexiado de participación, coordinación, cooperación e colaboración ente as diferentes administracións da CCAA e os axentes comerciais.
Regúlanse as condicións da oferta e o réxime dos prezos dos produtos e a garantía e custodia dos artigos.
Tamén se encarga de regular os establecementos comerciais, en concreto os centros comerciais abertos e os Outlets.
Preténdese regular tamén os horarios comerciais así como as actividades comerciais de promoción de vendas.
Tamén se contemplan algunhas modalidades especiais de venda, como as realizadas a domicilio, vendas a distancia, vendas automáticas, vendas ambulantes, vendas en poxa pública e as vendas ocasionais. Prohíbese a venda piramidal e a venda a perda.
Regúlanse as feiras comerciais, así como as feiras de oportunidades que só poderán realizarse unha vez ao ano e durante un período máximo de 3 días, nas feiras de oportunidades as dúas terceiras partes dos participantes han de ser comerciantes locais ou comarcais se a feira é de ámbito comarcal.
TEXTO COMPLETO DO ANTEPROXECTO DE LEI
|
Usuario - - Acceso de usuarios
