PERMISO DE MATERNIDADE

Os autónomos poderán percibir as prestacións de maternidade e paternidade en réxime parcial, segundo un Real Decreto aprobado polo Goberno no último consello de ministros celebrado o pasado 6 de marzo. Tamén se amplía a cobertura do permiso de paternidade nalgúns casos e permite á muller embarazada ou lactante cambiar de posto de traballo se hai risco para o feto.

En virtude do RD recén aprobado as mulleres poderán cambiar de posto de traballo no caso de que a súa actividade supoña un risco para o seu embarazo ou a lactancia. A norma tamén contempla que as persoas que exerzan a tutela dun familiar que, de acordo coa lexislación civil non poidan adoptar, tamén poderán gozar das prestacións por maternidade ou paternidade, por exemplo cando avós ou tíos teñen a tutela de netos ou sobriños por falecemento dos proxenitores.

O Real Decreto regula e integra todas as modificacións e novidades normativas derivadas da entrada en vigor da Lei 3/2007 para a Igualdade Efectiva de Mulleres e Homes. Tamén incorpora as novidades que en materia de maternidade e paternidade inclúense na Lei de Orzamentos Xerais para 2009.

Este Real Decreto aúna nun único texto normativo as normas modificadas, as que manteñen a súa vixencia e as necesarias para a correcta aplicación da Lei de Igualdade. Ademais, contempla o alcance da protección e o procedemento aplicable para acceder a ela e fixa normas para determinar a entidade -xestora ou colaboradora- que debe asumir a cobertura da prestación, regulando as especialidades necesarias en relación cos colectivos que carecen de protección específica por continxencias profesionais.

Igualmente, recolle os cambios relativos á prestación por maternidade non contributiva que entraron en vigor coa Lei de Orzamentos para 2009: auméntase a duración da prestación en 14 días naturais en caso de familia numerosa, monoparental, parto múltiple e cando a nai ou o fillo estean afectados por discapacidade en grao igual ou superior ao 65%.

Este Real Decreto regula a prestación de risco durante o embarazo como continxencia profesional, elimina o requisito de cotización previa e incrementa a súa contía ata o 100 por 100 da base reguladora. Nas mesmas condicións que a anterior, habilítase a nova prestación de risco durante a lactancia, que amplía a protección das traballadoras respecto ao seu posto de traballo máis alá do parto.

A lei tamén amplía o permiso por paternidade. Así, amplíase a suspensión do contrato de traballo por paternidade a 20 días cando o nacemento, adopción ou acollemento prodúzase nunha familia numerosa ou na familia faia unha persoa con discapacidade. O permiso aumentarase en dous días máis por cada fillo a partir do segundo no suposto de parto, adopción ou acollemento múltiple ou se un deles padece unha discapacidade.