Réxime Especial Agrario

Máis de 47.000 galegos cambiaron de réxime da Seguridade Social o pasado 1 de xaneiro, data na que entrou en vigor a reforma contida na Lei 18/2007. Esta norma obriga ós traballadores por conta propia do Réxime Especial Agrario integrarse no dos traballadores autónomos.

Devandita Lei substitúe a unha normativa con máis de 40 anos e contribuirá a mellorar as prestacións que os agricultores e gandeiros reciben da Seguridade Social, modernizar as súas explotacións, aumentar a súa productividade e incentivar o traballo das mulleres e os mozos.

Trátase do primeiro paso que dá a Seguridade Social para unha transformación que contempla a existencia de só dous reximenes: o xeneral e o dos autónomos.

Ó converterse en autónomos, os agricultores por conta propia terán unha maior flexibilidade para contratar traballadores, cun límite de dous fixos. Estas limitacións amplíanse proporcionalmente ó número de cotitulares da explotación, o que incentiva a afiliación á Seguridade Social dos cotitulares de explotacións familiares agrarias.

Ademais, inclúese que os agricultores e gandeiros poidan contratar como traballadores por conta allea ós seus fillos menores de 30 anos.

A Lei tamén elimina desigualdades entre mulleres e homes no ámbito agrario e establece medidas que incentivan o traballo das primeiras. Por exemplo, redúcese un 30 por cento a cotización por continxencias comúns aos cónxuxes dos titulares dunha explotación, medida que vai dirixida ás mulleres e aos mozos descendentes do titular da explotación dedicada á explotación agraria.