O Consello de Dirección da Axencia Galega das Industrias Culturais (Agadic) ratificou onte a resolución da convocatoria de axudas ás industrias culturais 2011, entre as cales se outorgará máis dun millón de euros a 58 empresas relacionadas co sector escénico galego.
En total, o consello de Dirección ratificou a convocatoria dun total de 1,3 millóns de euros que beneficiarán a 100 empresas de artes escénicas, musicais, editoriais e galerías de arte galegas. Presidido polo conselleiro de Cultura, Roberto Varela, o máximo órgano director da Agadic aprobou tanto a relación de adxudicatarios e contías concedidas que fora publicada o pasado mes de agosto a través da web da Axencia, como as categorías pendentes de resolución nos apartados de actividades escénicas e de distribución.
No caso concreto do sector escénico, ápoiase cun total de 849.911 euros a produción de 21 novos espectáculos de teatro e danza doutras tantas compañías, así como o mantemento en cartel de 20 montaxes xa estreadas en tempadas anteriores. Búscase favorecer unha maior presenza da escena galega fóra da Comunidade a través destas axudas.
FUENTE LA OPINION A CORUÑA
|