Usuario - - 
O Consello de Dirección do Igape, na súa xuntanza do 10 de febreiro de 2011, acordou por unanimidade dos seus membros asistentes a aprobación das bases reguladoras para a habilitación de liñas de financiamento subsidiado para microempresas, proxectos emprendedores e investimentos das pemes para a mellora competitiva na Comunidade Autónoma de Galicia, instrumentadas mediante convenio de colaboración entre o Instituto Galego de Promoción Económica (Igape), as sociedades de garantía recíproca e as entidades de crédito adheridas (Programa Re-imaxina). Sendo as ditas bases publicadas mediante Resolución do 14 de xuño de 2011 (DOG nº 119, do 22 de xuño).
Xunto co texto das devanditas bases publicouse a relación das entidades financeiras que se adheriron ao convenio.
Téndose ratificado con data 12 de xullo de 2011 a adhesión da entidade de crédito Banco Popular Español, S.A., cómpre facelo público.
Polo que antecede, en virtude das facultades que teño conferidas mediante o artigo 12 a) da Lei 5/1992, do 10 de xuño, de creación do Instituto Galego de Promoción Económica e do artigo 11.1 a) do Decreto 317/1992, do 12 de novembro, polo que se aproba o regulamento do Igape,
RESOLVO:
Único. Engadir a entidade de crédito Banco Popular Español, S.A., á relación de entidades de crédito adheridas ao convenio de colaboración para a habilitación de liñas de financiamento subsidiado para microempresas, proxectos emprendedores e investimentos das pemes para a mellora competitiva na Comunidade Autónoma de Galicia (Programa Re-imaxina), asinado o 13 de xuño de 2011.
Santiago de Compostela, 20 de xullo de 2011.
P.D. (Acordo 1.6.2011, DOG n.º 113, do 14 de xuño)
Francisco Javier Álvarez Barbeito
Secretario xeral do Instituto Galego de Promoción Económica
