En Galicia existen numerosos exemplos de pemes que están aplicando e desenvolvendo técnicas, metodoloxías, ferramentas e boas prácticas nos eidos da innovación e a competitividade, na incorporación do modelo de negocio tradicional ao modelo dixital.
Por esta razón dende a Asociación Galega de Empresas TIC (Agestic) consideran que este esforzo precisa un recoñecemento. Este recoñecemento acadarase mediante estes premios INNOVA-G á incorporación das PEMES galegas aos modelos de negocio 2.0 e a aquelas empresas tecnolóxicas que contribúen a elo.
Trátase duns premios abertos a todas as PEMES galegas, tecnolóxicas ou non, que aposten polo desenvolvemento das TIC, polo importante papel das TIC na innovación. Pois internet, a web 2.0 e as redes sociais están a revolucionar a sociedade e en consecuencia aos modelos de negocio das PEMES. Os produtos e os servizos que estas ofrecen deben encaixar no novo crebacabezas empresarial.
Dende AGESTIC e as entidades colaboradoras destes premios, querese premiar a innovación das empresas na incorporación a esta nova realidade, e dar o apoio e recoñecemento aos que non ven no cambio un problema se non unha oportunidade.
As categorías destes premios son as seguintes:
Mellor idea de negocio 2.0: premio á mellor Start-up galega.
Mellor emprendedor/a galego/a 2.0
Mellor campaña social media
Mellor iniciativa de apoio á innovación
Mellor desenvolvemento 2.0
Mellor aplicación para dispositivos móbiles
Mellor solución tecnolóxica móbil
Mellor deseño para todos
Mellor desenvolvemento centrado nos cidadáns
Mellor desenvolvemento de RSE
Mellor desenvolvemento audiovisual en Internet
Estes Premios están promovidos por AGESTIC, cofinanciados polo IGAPE-Xunta de Galicia Consellería de Economía e Industria, e contan coa colaboración institucional da Xunta de Galicia-Dirección Xeral de Promoción e Emprego, Universidade de Vigo e pola Escola Superior de Enxeñería Informática de Ourense
|