|
O pasado 4 de abril publicouse no Boletín Oficial Do Estado (BOE) a resolución pola que se establece o procedemento para o rexistro dos contratos dos traballadores autónomos economicamente dependentes.
Na devandita orde establécese que:
Os traballadores autónomos economicamente dependentes, ou os seus clientes están obrigados a rexistrar no Servizo Público de Emprego Estatal os contratos celebrados entre eles, as súas modificacións, así como a súa terminación.
Neste rexistro ten que conter unha serie de datos tales como a identificación das partes, data de inicio e terminación do contrato, se é o caso; constancia da condición de economicamente dependente do traballador autónomo respecto ao cliente; obxecto e causa do contrato; réxime de distribución da xornada, descanso semanal e interrupción anual; o acordo de interese profesional, cando sexa aplicable; a actividade profesional; o contido da prestación do traballador autónomo economicamente dependente e a contraprestación económica do cliente.
Para o cumprimento do anteriormente disposto, o traballador economicamente dependente, o cliente ou os profesionais colexiados que actuen en representación de terceiros, poderán efectuar o rexistro de maneira presencial, mediante a presentación persoal no Servizo Público de Emprego Estatal da copia do contrato, dos seus posteriores modificacións ou do remate do mesmo; ou a través do procedemento telemático establecido ao efecto polo Organismo.
O rexistro presencial realizarase nas Oficinas do Servizo Público de Emprego Estatal habilitadas ao efecto, cuxa ubicación se poderá consultar no teléfono 901 11 99 99
O rexistro a través do procedemento telemático efectuarase a través de http://www.inem.es/registro/indexTAED.html
|
Usuario - - Acceso de usuarios
