“Economia Social. TIC Galiza-Portugal”, a cal ten por obxectivo promover a economía social no sector TIC na Eurorrexión Galiza-Norte de Portugal.
Agradeceríamos axuda na difusión das redes sociais con que conta esta canle:
Historia: Baixo o lema “O impulso da economía social”, nacía en 2017 nas redes sociais “ECONOMÍA SOCIAL. TIC Galicia-Portugal”, unha canle de divulgación para dar a coñecer a economía social no sector TIC nos territorios galego e portugués, dinamizada desde a Unión de Cooperativas EspazoCoop. A proposta enmárcase dentro do proxecto europeo LACES, un proxecto común no que participan 9 entidades socias, e que lidera a Xunta de Galicia, iniciado en xuño de 2017 e que terá o seu fin en decembro de 2019. A Canle na rede busca difundir os valores e as vantaxes que a ECONOMÍA SOCIAL -ES- pode ofrecer ao mundo empresarial TIC, porque a ES xa é unha realidade económica e social moi significativa en todo o mundo, con presenza destacada en múltiples sectores de actividade, e para o ámbito TIC pode ter interese estratéxico desenvolverse nun marco de xestión autónoma e transparente, democrática e participativa, que prioriza a toma de decisións en función das persoas e as súas achegas de traballo máis que en relación ás súas contribucións de capital. O LACES materialízase a través do apoio vehiculado polo Programa INTERREG V-A España-Portugal (POCTEP) 2014-2020. Trátase dun instrumento que quere continuar a avanzar na melloría da calidade de vida das poboacións da Eurorrexión Galiza-Norte de Portugal, tendo como base a aposta pola Economía Social, un sector que, segundo o Comité Económico e Social Europeo, ao longo das últimas décadas, ten gañado un peso e relevancia cada vez maiores desde o punto de vista político e xurídico a nivel europeo.
Para implementar no territorio as distintas actuacións previstas no LACES, ademais da Xunta de Galicia participan as entidades galegas e portuguesas: Unión de Cooperativas EspazoCoop, Universidade de Santiago de Compostela (USC), Asociación galega de cooperativas agroalimentarias (Agaca), Asociación de sociedades laborais galegas (Aesgal), Utad, Tec Minho, In.cubo e Adrave.
|