Nova adhesión ó plan RE-SOLVE +

Resolución do 13 de outubro de 2010 pola que se adhire unha entidade financeira ao convenio de colaboración para a habilitación dun programa de apoio financeiro ao financiamento para circulante, refinanciamento de pasivos e ampliación de capital das pequenas e medianas empresas, subscrito entre o Instituto Galego de Promoción Económica (Igape), as sociedades de garantía recíproca e as entidades financeiras adheridas (Re-Solve +).

O Consello de Dirección do Igape, na súa xuntanza do 29 de xuño de 2010, acordou por unanimidade dos seus membros asistentes a aprobación das bases reguladoras das axudas do Instituto Galego de Promoción Económica para o programa de apoio ao acceso ao financiamento para circulante, refinanciamento de pasivos e ampliación de capital das pequenas e medianas empresas, instrumentadas mediante convenio de colaboración entre o Instituto Galego de Promoción Económica (Igape), as sociedades de garantía recíproca e as entidades financeiras adheridas (Re-Solve +). As ditas bases foron publicadas mediante Resolución do 21 de setembro de 2010 (DOG nº 182, do 21 de setembro).


Xunto co texto das devanditas bases publicouse a relación das entidades financeiras que se adheriron ao convenio.


Téndose ratificado con data do 13 de outubro de 2010 a adhesión da entidade financeira Caja de Ahorros y Pensiones de Barcelona La Caixa, cómpre facelo público.


Polo que antecede, en virtude das facultades que teño conferidas mediante o artigo 12 a) da Lei 5/1992, do 10 de xuño, de creación do Instituto Galego de Promoción Económica e do artigo 11.1º a) do Decreto 317/1992, do 12 de novembro, polo que se aproba o regulamento do Igape,


RESOLVO:

Único.-Engadir a entidade financeira Caja de Ahorros y Pensiones de Barcelona La Caixa, á relación de entidades financeiras adheridas ao convenio de colaboración para a habilitación dun programa de apoio financeiro ao financiamento para circulante, refinanciamento de pasivos e ampliación de capital das pequenas e medianas empresas, subscrito entre o Instituto Galego de Promoción Económica (Igape), as sociedades de garantía recíproca e as entidades financeiras adheridas (Re-Solve +), asinado no 20 de setembro de 2010.