VI encontro de comercio español.

O papel do comercio na cidade como fonte de creación de emprego e de riqueza e as novas tecnoloxías como oportunidade e non como ameaza, foron algúns dos aspectos que se trataron durante a celebración do VI Encontro do Comercio Español, que este ano se celebrou na cidade de Burgos baixo o título "A Forza do Comercio".

 

Durante os catro días que durou o encontro os asistentes ao mesmo, entre os que se encontraba F. Javier Pérez Bello, chegaron ás seguintes conclusións respecto do comercio:

1.- O comercio é a vida da cidade e mantén con ela unha estreita relación que permite aos cidadáns gozar de espazos e servizos irrenunciables. Cumpre unha función social integradora e dinamizadora.

2.- Os espazos urbanos han de xestionarse de xeito concertado entre as administracións locais e os diferentes axentes económicos que desenvolven a súa actividade na cidade.

3.- É necesario que as administracións públicas consoliden políticas de apoio ao sector, coordinadas e non contraditorias; de modo que o comercio poida ser un motor de desenvolvemento das cidades.

4.- Resulta urxente realizar un esforzo para que as novas tecnoloxías se incorporen de xeito decidida e rápida ao proceso de xestión do comercio.

5.- A innovación comercial ha de apoiarse no uso das novas tecnoloxías para conseguir unha maior competitividade, xerando un maior valor engadido.

6.- É necesario manter unha rede eficiente de pemes de distribución se queremos garantir a liberdade de elección dos consumidores agora e no futuro. Para iso é imprescindible dispoñer dun marco regulatorio que permita manter o modelo comercial propio da cultura mediterránea.

7.- Na cultura empresarial do comerciante ha de incluírse o aspecto cooperativo para poder acceder a economías de escala que lle permitan ser máis competitivo.

8.- Reivindícase o papel do comercio urbano como mantedor de emprego e xerador de riqueza aínda en momentos de crise económica. É preciso desenvolver xa políticas de impulso ao consumo que xeren confianza nos cidadáns e no sector.