|
PRINCIPAIS REIVINDICACIÓNS DO COLECTIVO DE AUTÓNOMOS (Informe dos Servicios Xurídicos da Federación de Autónomos de Galicia) Os Traballadores Autónomos somos os maiores creadores de riqueza e emprego en España, constituímos máis do 70% das PEMES. E, a pesar diso, as dificultades fiscais, sociais, laborais, financeiras e administrativas que padecemos son de todos coñecidas. En moitas ocasións expuxéronse medidas de apoio ás PEMES, englobando neste amplísimo concepto ós traballadores e traballadores autónomos, pero nunca se contemplou de maneira específica o tratamento desta clase de traballadores dunha forma global, delimitando o seu concepto e contemplando tódolos seus problemas. Partindo da definición de Traballador Autónomo como aquela persoa que desenvolve unha actividade económica por conta propia, baixo calquera forma xurídica, con ou sen empregados, sería axeitado elaborar un Estatuto, con rango de Lei, que recolla tódalas peculiaridades que a eles se refiren, do mesmo xeito que existe un Estatuto dos Traballadores (que regula os dereitos e obrigacións de quen realizan unha actividade económica por conta allea, é dicir, no ámbito ou baixo a dirección doutra persoa, o empresario). As principais reivindicacións do colectivo de Autónomos pódense resumir nos seguintes puntos:
|
Usuario - - Acceso de Usuarios
